حنعرف ازاى نتبل اى حاجه

سمك جمبرى سبيط فراخ بوفتيك اى حاجه بتبقى بتتبيله وبعدها
نضع عليها بقسماط او دقيق او فيجيتار


حنعرف ازاى نتبلها
بدون ما نبهدل ايدينا
او نهدر دقيق
او يقع الدقيق الزائد فى الزيت ويتحرق
او نستخدم اى اطباق فيبقى عندنا مواعين انا امراءة ضد المواعين



الاول اهوه انا قطعت السبيط وتبلته وممكن بدل السبيط اى شىء زى ما اتفقنا



نجيب كيس ونحط فيه دقيق

ونحط بعد كده السبيط والجمبرى اللى انا متبلاه



بعدها ننفخ الكيس زى البلونه بس اوعى يفرقع يادى الخيبه هههههه
ومش تنفخى ببقك لا تفتحى الكيس وتسمحى بدخول الهوا وتقفليه مره واحده علشان النفخ بالفم بيبقى مش صحى

ونلفه ونرجه لما نحس ان الدقيق غلفه



فتحت الكيس بصوا لا لغوصة ايد ولا بهدله واتغلف بالدقيق والزايد من الدقيق
متحولش لعجينه

طلعت شويه فى طبق علشان تشوفوا بس انا فى العادى بطلع من الكيس على الطاسه على طول
ابقوا تعالوا اغسلوا الطبق ده هههههه



حطيتهم فى الطاسه هاه شايفين اى دقيق زايد فى الطاسه نوووووووووووووووو



واهه لما طلع يا حلاوتىىىىىىىىىىىىى

الجمبرة بقى مدور والسبيط شبهه البطاطس