الاساس الاول ان اللمكرونة والعدس سواهم 90% وكمان بستعمل زيت تحمير البصلة لكل الكشرى يعنى ممكن كوب زيت
1- البصلة تتقطع جوانج وتتعفر بالدقيق ونقلبها وتتحمر فى الزيت الحامى ومش هنقلب الا اما تنشف مايتها ويبدا القعر يحمر زى البطاطس المحمرة
ولما تاخد اللو ن الذهبى هنشيلها فى طبق ونفردها ونسيبها على جنب وهتلاقيها تنشف وتبقى كرسبى وما تخليش البصلة تحمر اوى عشان ماتمررش
2- المكرونة اغى الماء وملحيه واسلقيها ( يفضل استخدام مصوصة مع اسباجتى ) ولما تستوى صفيها واغسليها من النشا وضيفة 3 معالق طعام من زيت
التحمير وعالنار نقلب المكرونة فيهم وكده خلصت وعلى جنب
3- العدس نسلقه فى ماء مغلى وفيه ملح وكمون (نص معلقة شاى من كل واحد) ولما يستوى يصفى مع الاحتفاظ بماؤه ونجيب 3 معالق زيت من بتاع
البصلة وعالنار ونقلب العدس فيهم وعليه رشة كمون ونقلب وكده خلاص وعلى جنب
4- الرز شوية زيت من بتاع البصل ونحمر الشعرية ولما تاخد لونها ننزل بالرز ونسقيه بماء العدس وظبطى الملح ولو الماء قليل زودى بالعادىونسيبه
يستوى وكده خلاص
5- الصلصة نضرب الطماطم معاها بصلة وصلصة لو الطماطم صفرة فى الخلاط ونسبكها فى حلة عالنار من غير اضافات ولما تبدا تتسبك نضيف 3معالق
زيت من بتاع التحمير وملح ورشة كمون وكزبرة ناشفة ناعمة جدا ومعلقتين طعام خل وتاخد غلوة وخلاص
6-الشطة 4معالق طعام زيت و2 كبار شطة ومعلقتين صلصة من السابقة وشوية ماء ورشة ملح وكمون ونسيبها تتسبك ولما الزيت يبقى عالوش وتتسبك
تبقى خلصت وغطيها كويس وهى عالنار عشان الريحة بتخنق
7-الدقة ثوم وملح وكمون وشطة وندقهم ناعم ونضيف معلقتين كبار خل وماء ساخن ونقلب
8 الحمص انا بنقعه من باليل وبسلقه اول حاجة عشان الوقت
وكده يبقى الكشرى جاهز وبالف هنا
الرئيسية
موضوع: طريقة عمل الكشرى 
