بعا الحمام غالى قوى وكمان لو عيله كبيره هيكون صعب او مستحيل
طب نعمل ايه الحاجه ام الاختراع صح بلاش رغى بقى انتوا رغاين قوى
خلونى اقول اللى عندى طبعا كلنا عارفين شيش الفراخ اللى هو الوراك المخلى صح
المقادير
1 نجيب وراك مخليه على عدد افراد الاسره
2 نجيب مقدارمن الارز او الفريك يعنى على حسب ماتحبى تحش الحمام
3 نفرد الورك ونضع مقدار من الارز اوالفريك على حسب ويكون نصف سوا
4نقفل الفريك على الورك كويس قوى ونعمله زى الرول كده ونقفل حلو قوي
5 نجيب بقى الفويل ونلف الرول اللى عملنه دهكويس جدا
6نجيب بق حله ونغلى ميه فيها بصل مبشوره وبهارات وفلفل اسود يعنى كانك هتسلقى الفراخ
7 نتركها لحد لما تستوى ممكن تتطلعى واحده بشويش وفكى الفويل وشوفيها استوت اغرزى فيها شوكه كده استوت خلاص
8 حمريها فى طاسه نصها زيت ونصها سمن وياسلام لو سمن بلدى
9 واتحداكى لو حد عرف ان دى فراخ مش حمام وبالهنا والشفا ومتنسوش دعوه حلوه بقى ماش